Nagising ako sa pakiramdam na parang naiihi ako. Kaya kahit tinatamad dahil sa antok ay pinilit ko pa ring bumangon at pupungas-pungas na pumasok sa loob ng banyo.
Nang matapos umihi ay parang nawala na lang bigla ang antok ko, bagkus ay napalitan ito ng pagkagutom.
Wala sa sarili akong napahaplos sa aking tiyan. Ganito yata talaga kapag nagbubuntis, masyadong magutumin. Pansin ko kasi tuwing sumasapit ang hating-gabi ay parang gusto kong kumain, hindi kanin kundi hilaw na mangga. Parang gusto ko palagi ng maaasim na pagkain.
Akmang lalabas na ako sa kuwarto para sana bumaba at maghanap ng pagkain sa kusina, pero agad akong natigilan nang makarinig ng munting hilik sa kabilang banda ng kama ko.
Kunot-noo naman akong sumilip para makita kung sino. Pero ganoon na lang ang pagkamaang ko
