“NICK, bakit?” takhang tanong ni Soffie nang maabutan niya ang nobyong titig na titig sa labas mula sa bintana ng kaniyang silid. Katatapos niya lamang maligo at nang pumasok siya sa banyo ay wala ito kanina. “Anong ginagawa mo d’yan?”
“O-oh, it’s nothing.” Humarap ito sa kaniya at ngumiti. Isinara muna nito ang kurtina ng bintana bago lumapit sa kaniya. “Do you really want to go out today?” tanong nito at mabilis na humalik sa kaniyang pisngi. Ngayong araw ay walang pasok si Nick sa trabaho kaya naman naisipan nilang lumabas nang magkasama. “I don’t feel like leaving today.”
Inalis niya ang tuwalyang nakabalot sa kaniyang buhok. Tuyo naman na ito at tanging roba lamang ang kaniyang suot. Nasanay na siyang magpalakad-lakad sa harapan ng lalaki nang ganoon lamang ang suot. “Okay lang na
