SUNOD-SUNOD na putukan ng baril at malakas na pagsabog ang ingay na nagparindi sa tainga ni Soffie. Hindi niya na napigilan pa ang takot ngunit dahil nasa kaniyang tabi na niya si Nick ay bahagya na itong nabawasan. Mahigpit na hawak-hawak nito ang kaniyang palad at hindi binitawan hanggang sa marating nila ang ikatlong palapag ng bahay. Inaya siya nitong pumasok sa loob ng isang silid. “Stay here, okay? Nothing will happen to you. I will protect you no matter what.”
Namilog ang nagtatanong niyang mga mata. “N-Nick... ‘wag mo ‘kong iiwan dito.” Hinawakan niya nang napakahigpit ang mga palad nito. Umiling siya nang sunod-sunod. “Dumito ka lang.” Mahigpit siyang yumakap sa dibdib nito at hindi nais bumitaw. Hindi niya maiwasang mapaisip sa mga susunod na maaring mangyari kaya naman nais niy
