Inisang lagok ni Rafael ang alak na nasa kopitang hawak-hawak niya. Kanina pa siya nasa may lanai ng kanilang bahay at mag-isang umiinom. Halos mapangalahati niya na nga ang bote ng inuming kinuha niya pa mula sa mga koleksyon ng kanyang mga magulang.
Sa mga nakalipas na araw mula nang matapos ang huling trabahong hinawakan niya ay alak ang napagtutuunan niya ng pansin tuwing gabi. Pakiramdam niya ay nakalilimutan niya ang maraming isipin kapag nakainom na siya.
And he needed it. Gulong-gulo ang isipan niya matapos ng mga nangyari. Hanggang nang mga sandaling iyon ay laman pa rin ng isipan niya ang mga nalaman tungkol sa totoong dahilan ng pagkamatay nina Hanna at Riley. Inakala niyang aksidente lamang ang lahat dahilan para itigil na nila ang imbestigasyon noon.
Nang mamatay ang mag-in
