Chapter 17:
Lipstick.
Akala ko panaginip lang na nakatulog sa tabi ko si Elton kaninang madaling araw. Pero nang magising ako dahil siya mismo ang gumising sa akin, doon ko lang na-realize na narito nga siya mula pa kagabi.
"Hindi ka nakakain kagabi, kain ka na. Kinain ko na kagabi iyong sopas na binigay ni mama kasi baka mapanis at hindi na masarap kung ilalagay sa ref at iinitin na lang. Mama mo ang nagluto nito," aniya.
Marahan akong bumangon at saka tiningnan siya habang abala sa pag-aayos ng pagkain ko na inilagay niya sa side table. Naamoy ko ang mabangong amoy ng gatas at champorado. Sumulyap ako para hanapin 'yong powdered milk at nakita kong naroon iyon. Napangiti ako kasi love na love talaga ako ni mama.
"Hindi ko alam na pareho pala tayo," aniya pa.
"Pareho?"
"Gusto ko ri
