PAGDATING SA BAHAY....
"Ate, kuya..." salubong kaagad sa amin ni Manang nang makapasok kami ng bahay. Tila ba hinihingal pa ito. Hindi ko alam kung anong nangyayari sa kaniya. Nakakita ba 'to ng multo o ano?
"Manang, bakit ho?"
"Eh...kasi ate...eh...kasi..."
Kumunot ang noo ko sabay sulyap kay Haden. "Kinakabahan po kayo, Manang. Bakit po ba kayo kinakabahan at nauutal? Uminom po kaya muna kayo ng tubig." Hinaplos ko ang balikat nito.
Medyo naging kalmado na rin ito.
"Ate kasi...may mga pulis." sumbong nito. Naagaw niya ang atensyon ko na kanina lang ay hindi naman ako interesado.
"Pulis?" si Haden ang nagsalita.
"Hinahanap po kayo, Sir."
"Hinahanap kami ng ate mo? Anong kailangan sa amin, Manang?"
Napayuko si Manang. "Iyon nga lang po hindi ko naitanong, Sir. Paano kasi
