Ang buhay ko dito sa bahay ni Cloud ay kain, tulog, manood ng mga teleserye, konting linis ng bahay, magtatanim sa likod bahay sa mini-garden ni Kulot. Iyong pagkain ko ay dumadating na lang, care of Cloud Montecillo. Darating siya sa umaga na may dala nang pagkain. Sabay kaming kakain. Pagkatapos ay aalis na siya para puntahan iyung mga negosyo niya. Iyong dala naman niyang pagkain ay kasya na hanggang sa tanghalian ko. Pagdating ng hapon, ay darating uli si Cloud na may dala namang hapunan naming dalawa.
Pagkatapos nun ay magkukuwentuhan na kami ni Cloud. Kaya nalaman ko na sa edad niyang iyon ay marami na siyang negosyo. Nasanay na ako sa routine namin na 'yun ni Cloud.
Bukod sa mga pagkain na lagi niyang dala araw-araw, mahilig din siyang pas
