Chapter 121
"Nairo, kailan mo ba planong mag-asawa? Ayaw kitang i-pressure. Pero iyong mga kaibigan mo ay may mga kasintahan at asawa na. Iyong mga kaibigan namin ng daddy mo ay may mga apo na. Kailan mo kami bibigyan ng daughter-in-law and apo? Kailangan bang umabot sa point na uugod-ugod na kami bago kami magkaroon ng apong aalagaan? Come on, anak. Don't do this to us."
Iyon ang mga linyang sinabi ng aking ina no'ng bumisita ako sa bahay namin.
Hindi niya ako prine-pressure pero dahil sa mga sinabi niya ay parang naging wake-up call ko iyon.
"Boss, hindi pa ba tayo magpapatuloy sa pagbiyahe?" takang tanong ni Bencio. Nakaparada sa gilid ng kalsada ang sasakyan. Ang tingin ko ay nasa isang babaeng may dala-dalang bilao at papasok ng palengke.
"She's beautiful, Bencio." Usal ko.
"Po?
