ISA pang tauhan ng terminal ang makakasama nina Astrid bukod sa itinalagang mga tao ni Revor. Dalawa sila ni Manong Henry na sakay ng isa sa mga golf carts.
"Ikaw pala ang bisita sa beach house?"
"Actually, nagkataon lang po na naantala ang pagpunta ko rito sa terminal kaya doon muna ako pinatuloy ni Mr. Dorrance. Hindi po talaga ko bisita."
"Ay, hindi, Iha! Bisita ka ni Sir Revor. Dahil sa pagkakaalam ko ay hindi basta nagpapatuloy ng tao sa beach house niya iyang si Sir. Ang ibang empleyado niya o bisita may naaantalang trabaho rito sa site ay sa hotel lang tumitigil."
"Siguro dahil may kalayuan po kung sa beach house pa sila tutuloy."
"Ang pinakamalapit na hotel rito ay mahigit kalahating oras ang layo ng biyahe. Gaano lang ba ang diperensiya sa oras patungo sa beach house?"
Isang
