NADAANAN na nila ang palengke sa bayan at ang ilan pang establishments na nasa paligid noon. Mula sa loob ng sidecar ay hirap siyang makita nang husto si Revor. Kailangan pa niyang ilawit nang bahagya ang mukha para marinig ang sinasabi nito.
"Ano 'yun? Hindi ko naintindihan!" Halos isigaw niya iyon kay Revor. Ang bilis kasi nitong magpatakbo kaya ang lakas-lakas ng ugong ng motor.
"Ang sabi ko gusto kong balikan 'yung restaurant na kinainan natin dati! Remember the place? Nagustuhan mo pa nga 'yung kapeng barako nila!"
"You mean milky iced kapeng barako!" Pinagulong pa niya ang mga mata.
Tumawa ito. "Basta may kapeng barako 'yun na rin 'yun!"
Napapailing siyang bumalik sa kinauupuan. Sinong mag-aakala na CEO ng isang multi-billion investment company ang nagpapatakbo ng tricycle na si
