ASTRID felt so relaxed and calm. Hindi siya sigurado kung nakaranas na ba siya nang ganoong klase ng kapanatagan sa sarili at sa paligid, pero iyon mismo ang nararamdaman niya habang tahimik na ninanamnam ang mainit na katawan na nakayakap sa kaniya.
Nakaupo sila sa couch sa opisina ni Revor. Nakasandal ito sa armrest ng sofa, nakapahinga naman ang likod niya sa katawan nito. Nakataas ang mga binti niya na kaniyang iniliko upang maipit ang laylayan ng kaniyang palda. Panaka-nakang humahaplos ang mga daliri nito sa pisngi niya. Ang mga kamay naman niya ay parehong nakakawit sa isa nitong braso.
Dapat ay nagtatrabaho na siya sa oras na iyon, pero hayun siya sa bisig ng binata. Tila walang pressure na nakaabang sa kaniya paglabas nila ng silid. Pakiramdam pa niya ay hindi siya dumaan sa bu
