MAGAAN ang pakiramdam ni Astrid nang bumangon siya kinabukasan. She found a 'good morning' text message from Revor. Maaga-aga pa nang naihatid siya nito sa kaniyang unit kagabi. Hindi nga lang ito gaanong nagtagal dahil pagkaubos ng kapeng hiningi nito ay nagpaalam na ring umuwi.
She replied to his text. Almost half an hour ago ang mensahe ni Revor kaya binanggit niya na kakagising lang niya. Tumayo na siya pagkatapos at dumirecho sa banyo upang maligo.
Nagri-ring ang cellphone niya nang lumabas siya ng banyo. Nang makita ang pangalan ni Revor ay agad niya iyong sinagot, binuksan ang speaker at saka muling inilapag sa kama.
"Hi! Don't tell me, nakatulog ka ulit kaya ang tagal mong sagutin ng tawag ko?"
Napangiti siya. "Hindi naman. Nasa banyo pa kasi ako kanina at naliligo," paliwanag
