“PAKIUSAP, hayaan po muna natin ang kaibigan ko. She’s still in shock. But you can talk me, officers. Maybe my statement will be helpful to your investigation.”
Narinig ni Astrid ang sinabing iyon ni Liam sa dalawang pulis na sumunod sa kanila sa ospital. Inalis niya ang tingin sa mga ito at tulalang tumitig ulit siya sa pintuan ng operating room kung saan ipinasok kanina si Revor. Nakikita niya roon si Tita Mandy na umiiyak. Nakikita niya si Crisanto at isa pang lalake na kausap nito. Nakita niya ang paglabas mula sa operating room ng isa sa mga nurse, may iniabot ito kay Crisanto.
Maya-maya ay umalis na ulit ang mga pulis. Lumapit sa kaniya si Liam. He talked to her, pero hindi niya maintindihan ang mga sinasabi nito. Para siyang nabibingi na hindi niya alam. Nanlalamig at tila namama
