PAPASOK si Astrid sa bahay galing sa pamimili sa bayan nang marinig niya ang mataginting na tinig ng Daddy niya.
"Umalis ka na ngayon din bago ka pa abutan ng anak ko! Hindi ka na niya dapat makita pa!"
Her heart bounced. Napako ang paa niya sa may patio at napatitig sa nakabukas na main door.
"Saan siya nagpunta?" tanong ng pamilyar na boses. "I need to talk to her, Tito Dominic. Tita Olive, please, kailangan kong makita si Astrid."
Nilingon niya ang harapan ng gate. Napansin na niya ang sasakyang nakaparada sa labas, pero hindi niya iyon napagmasdang mabuti matapos niyang bumaba ng tricycle.
She took a deep breathe. Ikinalma niya ang sarili bago unti-unting pumasok sa kanilang receiving area.
"Revor, Hijo, umalis ka na lang. Nakikiusap din ako sa'yo," said the calm voice of her mot
