TINAPIK ko sa balikat si Kyle para kunin ang atensiyon nito. Pagharap ay binati siya agad ng kamao ko. Nagtilian ang dalawang babaeng kasama niya sa parking lot nang suntukin ko si Kyle at mapasandal sa side panel ng kotse. Sinapo nito ang panga at mabilasik na tumingin sa akin.
"Walang magagawa 'yang tingin mo! Lumaban ka kung gusto mo!" hamon ko.
Tumuwid siya at sinugod nga ako. Inunahan ko siya ng isang sipa sa dibdib. Napaupo siya sa aspalto. Ang kaninang nagsigawan na mga babae ay unti-unti nang umatras hanggang sa tuluyang magtatakbo palayo.
"Ano?! Puro ka ngawa, talo mo pa ang babae! Tumayo ka!"
Humihingal ako nang panoorin si Kyle. Pilit nitong itinayo ang sarili at hinarap ako.
“Gago ka, Grant! Ano na namang trip mong siraulo ka!”
“Ikaw ang siraulo! Sinabihan na kitang h
