NAG-ALIS ako ng seatbelt paghinto ng kotse ni Attorney Matthew. Nilingon ko siya at akmang magpapaalam, pero naunahan niya ako.
“Can we talk for a minute?”
Hindi ko alam kung bakit bigla akong kinabahan. Inisip ko agad na baka may nahalata siya sa akin kanina. Pagkatapos ko kasing magbanyo ay bumalik ako sa aming mesa upang madatnan lang sina Sir Grant at Helga. Nasa tapat namin ang dalawa. Masaya at magkatabing nagkukwentuhan at sa sobrang lapit sa isa’t isa ay halos magkapalit na nga ng mukha. Nagtatawanan na parang walang ibang tao sa paligid kundi silang dalawa. At ang tanging nagawa ko ay ang lihim na magngitngit at tapunan ng naiinis na tingin si Sir Grant.
Tumango ako kay Attorney Matthew. “T-tungkol saan?”
“About us. Gusto kong tapusin na natin ang pagpapanggap, Celine. Nagdes
