*****ANASIA*****
“Diyan ka lang!” Marahas na itinulak siya ni Vernon papasok sa kanilang silid na mag-asawa.
“Balak mo ba akong ikulong habambuhay, hah? Sa tingin mo maibabalik mo ang pagmamahal ko sa ‘yo sa ganitong paraan?” asik niya. Ang mga mata niya’y maiiyak na naman.
“Wala akong pakialam! Basta dito ka lang sa kuwarto!” Vernon answered harshly. “Darn it!” Tapos ay napasuklay ito sa buhok habang humihingal sa galit. “Bakit siya pa si Jernon?! Bakit?!”
Gustong mabasag ang dibdib ni Anasia sa lakas ng kaba niya. Kabisado na niya ang ganoong hitsura ng asawa. Siguradong masasaktan na naman siya nito kung magsasalita pa siya kung kaya’t ipininid niya na ang kanyang bunganga. Kunot na kunot ang kanyang noo na kinagat niya ng dulo ng kanyang dila.
“Ikaw?! Siguro ang saya-saya mo, no
