*****MANANG GLO*****
Sakay ng kotse pa rin ni Kwinee na minamaneho ulit ni Jeremy ay bumalik ng ospital si Manang Glo. Gustuhin man niyang hindi muna iwanan si Reynan ay hindi maaari. Kailangan din siya ng kanyang kapatid. Kailangan niyang palitan sa pagbabantay ang asawa ni Guada dahil kawawa naman. Isa pa’y nasa kalagitnaan ng pag-aani ng palay, kailangan ding asekasuhin nito ang palayan nila kundi mas kawawa silang mag-asawa. Kung hindi kikilos ang kanyang bayaw ay wala silang ipambabayad sa inutang nilang ginagastos nila sa ospital.
Ngayon ay sa isang kilala nilang kamag-anak sila humiram ng pera dahil nahihiya na si Manang Glo na umutang ulit kay Madam Azon. Kung makikita niya siguro ang listahan ng utang niya kay Madam ay kay haba-haba na. Tingin niya, kahit magtrabaho siya hanggan
