*****ANASIA*****
“Grabe, akala ko pa naman maayos ang buhay mo kay Sir Vernon. Akala ko buhay donya ka na. Hindi naman pala,” dismayadong komento ni Belle. Dahil naka-facemask at naka-faceshield ito ay kitang-kita niya ang pagtirik ng mga mata nito sa inis na para kay Vernon.
Mapait ang kanyang naging ngiti. Kausap niya pa rin ang kaibigan at dating katrabaho sa video call. Habang hinihintay nito ang reseta ay pinilit siyang magkuwento sa naging buhay niya bilang isang asawa ng bilyonaryo.
“Naniniwala na ako na ang love story ng mahirap at mayaman ay para lang sa mga nobela sa Dreame at Yugto. Na kagagawan lang ng mga malilikot na isipan ng mga author ang gano’n mga senaryo dahil in reality, wala talagang bilyonaryo na magmamahal sa hindi nila kauri,” madramang litanya pa ni Belle
“Si
