*****ANASIA*****
“Hindi ako sasama sa ‘yo! Isa kang demonyo!” Binayo-bayo ni Anasia ang dibdib ni Vernon. Sa ginawa nito kay Reynan ay mas kinasusuklaman niya ito.
Wala na si Reynan. Hindi lang niya ito dinamay. Dinala niya pa ito sa huling hantungan. Hindi niya mapapatawad is Vernon, lalo na ang kanyang sarili.
“Tumigil ka!” Sinampal siya ni Vernon.
Napasandig siya sa pintuan ng helicopter. Nag-iiyak siyang nagsumiksik doon. Wala pa sila sa lupa. Nasa ere pa rin sila. Pauwi sa Maynila na para sa kanya ay malaking kulungan.
“Ugh!” napaigik siya nang malademonyong hinablot ni Vernon ang kanyang buhok upang mapalapit siya rito.
Halos magdikit ang kanilang mukha. Nanlilisik ang mga mata ni Vernon. “Ang tapang mo na, ah? Sino ba ang ipinagmamalaki mo?! Iyong lalaki na ‘yon na patay
