*****KWINEE*****
“Ah,” napangiwi si Reynan nang itaas ang kaliwang kamay. Nasasaktan pa rin ito sa sugat nito na tinamaan ng bala.
“Dahan-dahan lang,” sabi ni Manang Glo. Binibihisan nito si Reynan at nahihirapan sila kahit sa pagpalit ng T-shirt.
Si Kwinee ang siyang naghahanda sa mga gamit. Napailing siya nang tingnan niya ang dalawa.
Tulad nang gusto ni Reynan ay uuwi na sila. Bayad na ang hospital bill kaya wala na silang magagawa ni Manang Glo upang pigilan si Reynan. Sana kahit isang araw pa ito sa ospital ngunit ayaw talaga.
“Good morning,” bati ng doktor nang pumasok.
“Magandang umaga, dok,” bati rito ni Manang Glo.
Pagkatapos nginitian ng doktor si Manang Glo ay tiningnan nito sa huling pagkakataon ang sugat ni Reynan. “Ayos naman na,” saka sabi nito.
“Maari na ba siya
