*****KWINEE*****
Haplos sa kanyang ulo ang nagpagising kay Kwinee. Pupungas-pungas siyang nagtaas ng ulo mula sa pagkakayukyok niya sa gilid ng hospital bed na kinahihigaan ni Reynan.
Sa kanyang pagkakatanda ay pinatulog niya nang maaga si Manang Glo at siya naman ang matiyagang nagbantay kay Reynan. Ang hindi niya pala namalayan na nakatulog din siya, pero kung hindi siya nagkakamali ay lampas ala tress naman na ng madaling araw noong nakaramdam siya ng antok.
“Good morning,” nakangiting bati niya kay Reynan. Ipinunas-punas niya ang mga kamay sa kanyang mukha upang alisin kung mayroon man siyang muta o nanuyong laway. Nakita niya si Manang Glo na nakahilata pa rin sa mahabang sofa.
“Bakit nandito ka pa?” halos pabulong na tanong ni Reynan upang hindi magising ang matanda.
“Binabant
