NAPANGIWI ako nang magising ako. Sobrang sakit ng aking ulo! Bakit palagi na lang akong nahihimatay at nagigising na masakit ang ulo?
Marahan akong bumangon dahil umiikot pa ang aking paningin. Tinignan ko ang labas at nanlaki ang aking mga mata nang makitang unti-unti nang nawawala ang liwanag, at naghahari na ang dilim.
Mabilis akong kumilos at kaagad na humarap sa aking tokador at pumili ng bestidang masusuot. Nang makapili na ako'y kaagad akong humarap sa malaking salamin. Hinubad ko ang aking suot at magbibihis na sana nang may mapansin akong umilaw sa aking kaliwang dibdib. Lumapit ako sa salamin at mas pinagmasdan pa ito. Napakunot ang noo ko nang may makita akong 'di pamilyar na simbolo. Hindi kasi ganoon ang marka ng isang anghel. Isa itong bilog na may tatsulok sa loob at may d
