"Charlie, sigurado ka ba, kaya mo ng magtrabaho? Baka mabinat ka eh," tanong ko kay Charlie habang isinusuot ko sa kanyang ang leeg ang kanyang kurbata. "Hindi ako marunong nito. Paano ba ito ibuhol?"
"Ako na."
Napakamot ako sa aking ulo nang siya na lang ang nagbuhol ng kurbata sa kanyang leeg. Pinakatitigan ko itong mabuti habang ginagawa niya iyon. Kailangan ay matuto akong magbuhol niyon para ako na lang ang gagawa niyon sa kanya.
Napapanood ko sa mga dramaserye at mga movie sa t.v na ganun ang mga ginagawa ng mga asawang babae sa mga asawa nilang lalaki. Ganun ang tamang pag-asikaso kaso hindi pa naman kami mag-asawa ni Charlie. Pero kahit na, pareho na rin 'yun dahil nagsasama na kami sa iisang bubong.
"Kailangan na ako sa opisina. Kaya ko naman na eh. 'Yung mga bilin ko sa iyo
