"Charlie, ano 'to?" tanong ko sa kanya nang makita ko ang isang bungkos ng mga bulaklak na nakapatong sa center table ng sala kasama ng mga paper bag at ilang laruan na sigurado akong para kay baby Charles.
"Aah...p-pang-display lang," sagot niya na hindi makatingin sa akin ng tuwid.
Kaagad niyang dinampot ang mga laruan at ibinigay sa aming anak.
"You want this, baby ko?" tanong niya sa aming anak na kaagad namang nagliwanag ang mga mata pagkahawak sa mga maliliit at makukulay na mga kotse.
"Dada...d-dada..."
"Aah...akala ko para sa akin," sagot ko naman ngunit hindi na niya ako pinansin.
Naupo sila sa lapag at inatupag na ang paglalaro nilang dalawa habang nakabukas ang telebisyon.
"Charlie, napakarami ng laruan ni Charles. Bakit bumili ka na naman? Hindi pa nga nabubuksan 'yung
