KABANATA 94:
BUMABA siya mula doon. Nanakbo ang kabayo palayo. Iniwan ang sakay nito.
Natulala ako habang tinatanaw siyang parang baliw na nagpalinga-linga.
"Anong ginagawa mo dito?" tanong ko sa kanya.
"Nasaan si Philip?" iyon ang bungad niya sa akin.
Laglag ang aking panga. Pumunta siya para lang itanong sa akin kung nasaan si Philip? Hindi ako makapaniwala.
"Is he in the water? Tell me!" tila walang pasensya niyang sabi.
Nataranta ako sa galit niya. Panay ang taas baba ng dibdib nito tanda ng labis na galit. Kumunot ang noo ko.
"Hindi ko alam! Bakit ba hinahanap mo siya sa'kin!" bulyaw ko sa kanya. Nanatili pa din akong nasa tubig.
Natigilan si Emil at tinagilid ang ulo niya habang nakatitig sa akin. Tsaka ko na-realize na baka dahil sa huling text ko kaya siya sumugod at nagpa
