KABANATA 47:
NAKAPARADA na ang sasakyan ni Rita sa tapat ng bahay ni Phoebe. Nauna silang dumating dahil pahinto-hinto ako sa pagda-drive kanina. Kinokondisyon ko pa ang sarili para lang maayos kong maituwid ang pagmamaneho. Bumusina ako para malaman nilang dumating na ako. Pinagbuksan ako ng gate ng kapatid ni Phoebe. Ipinasok ko ang sasakyan at lumabas din matapos iparada iyon.
Hindi ako makatingin sa kapatid niya. Nahihiya ako dahil alam kong namumula at mugto pa rin ang aking mga mata. Malapit ko na nga maubos ang tissue box sa sasakyan kaka-iyak.
"Nasa taas na po sila Ate..."
Tumango at nagpasalamat bago umakyat sa kwarto ni Phoebe. Tulog na ang magulang ni Phoebe kaya sinisikap ko na huwag makagawa ng ingay. Pagbukas ko ng pinto ay kalalabas lang ni Rita mula sa banyo. Naglinis
