HABANG papalapit nang papalapit si Rael ay mas bumibilis ang hakbang nito hanggang sa tuluyan na itong tumakbo patungo sa kanila.
Napasinghap si Dahlia nang makitang handa na ang lalaking pangit sa pagsalubong nito kay Rael. Kumuyom ang kamao ng lalaki at inamba ng suntok si Rael, ngunit hinawakan lamang iyon ng bagong bodyguard niya.
Humiyaw sa sakit ang lalaki nang maramdaman nito ang pagkabali ng buto sa braso dahil sa ginawa ni Rael. Sunod ay bumagsak ito sa maruming semento nang bigla itong sipain ni Rael sa isang tuhod. Naalerto naman ito nang makita nitong sumugod na ang dalawang kasamahan ng lalaki.
Sa puntong iyon, mabilis siyang tumalikod sa mga ito at lumuhod upang takpan ang mga mata ng batang babae. Lumuluha pa rin ito. Nanginginig sa takot habang hawak nang mahigpit ang pe
