"Salamat, kuya! Salamat, ate!" nakangiti itong kumaway bago patakbong umalis.
Tumayo naman siya saka kinuha ang isang kamay ni Dahlia at ibinigay ang sampaguita rito.
"Masaya ka na?"
Walang pag-aalinlangan itong tumango habang nakangiti nang malapad. Napangiti na rin siya rito. Pati ang paraan nito ng pagsagot sa mga tanong ay tila isang bata rin. Kanino kaya ito pinaglihi? Hindi naman mukhang bonjing si Don Devid.
Akmang tatalikod na siya upang makabalik na sa sasakyan kung saan naghihintay sina Sanchez at Leroy, pero muli siyang natigilan nang hawakan siya nito sa suot niyang damit.
"Bakit na naman? Ano na naman ba iyon?"
Hindi ito makatingin ngunit ngumiti nang pagkatamis-tamis. Nilingon nito ang unahang gilid ng simbahan saka itinuro ang nagbibenta ng fishballs.
"Gusto mong kum
