LUMABAS mula sa loob ng kitchen si Paislee na may dala sa kamay ng isang bote ng apple flavored water. Hindi siya makatulog dahil sa nasaksihan kanina. Patuloy siyang binabagabag ng mga senaryong iyon. Kaya nang makaramdam ng panunuyo ng lalamunan ay nagdesisiyon na siyang lumabas.
Tila siya wala sa sarili habang humahakbang sa kahabaan ng pasilyo. Noong malaman niya mula kay Dahlia na may nangyayari na sa dalawa, ang totoo'y hindi agad siya naniwala. Inisip niyang nag-iilusiyon lang ang babae dahil sa pagkahumaling nito kay Rael, ngunit nang masaksihan ng sariling mga mata, hindi iyon kayang tanggapin ng puso at isipan niya.
Nang tuluyang makalabas ng pintuan at makapasok sa lobby, sandali pa siyang tumigil sa paghakbang bago tinitigan ang pinto ng servant's quarter. Wala nang tao sa pa
