Mabilis na kinuha ni Jeracia ang ilang papel at pinakita iyon kay Don Devid. Iba-ibang disenyo iyon na mapagpipilian para sa damit ng ate niya. Nagpaalam naman sa kanila si Paislee at mabilis na tumalikod para lumabas ng living room. Sinundan ito ng tingin nina Jeracia at Don Devid.
Malungkot niya itong tinanaw habang naglalakad ito palayo. Napalunok siya. Alam niya na kahit nakangiti ito, nasasaktan ang babae. Nakikita niya iyon sa mga mata ng ate niya.
Mabilis siyang nagpaalam sa don at patakbong sumunod sa labas para habulin ang nakatatandang kapatid. Naabutan niya ito sa pangalawang palapag ng mansiyon. Mukhang nagmamadali ang babae dahil halos takbuhin na nito ang mahabang pasilyo.
"Ate Paislee!" pilit niyang nilakasan ang tinig nang tawagin ito.
Medyo may kalayuan na ang dalaga
