PUMALAKPAK ang baklang si Jeracia matapos nitong makuha ang lahat ng sukat niya. Nakagawa na rin ito ng disenyo base sa ibinigay nilang impormasiyon kay Mimi Oda. Mabilis ang mga kamay nito kung kumilos. Waring nagsusulat lang ito kung titingnan habang gumuguhit ng gown.
Nang matapos ay malapad ang ngiting bumaling si Jeracia sa lahat bago ipinakita ang disenyo ng damit na ginuhit nito. May proud na ngiti sa mga labi nito na para bang siguradong-sigurado nang magugustuhan nila ang ipinakita nitong damit.
Napangiti naman siya nang masilayan ang ginuhit ng designer. Kaya laging si Jeracia ang kinukuha ng ama niya pagdating sa ganoong klase ng event, dahil sa bilis at husay nito sa ginagawa. Karamihan sa mga dinidisenyo nitong mga damit ay ginagamit at isinusuot ng mga kababaihang inilala
