MABILIS na dinamba ng takot at pag-aalala si Rael nang marinig ang nangangambang boses ni Leroy. Mula sa kinatatayuan ay nagmamadali niyang nilapitan ang lalaki at kinuwelyuhan gamit ng isang kamay.
"Ano'ng nangyari kay Dahlia!"
May ilang segundo pang natigilan ang lalaki. Tila nagulat ito sa nakitang reaksiyon mula sa kaniya. Makikita kasi ang labis na pag-aalala sa kaniyang mukha. Halos manlisik din ang mga mata niya habang hinihintay ang magiging sagot nito.
Kung anu-anong eksena ang naglalaro sa isipan niya. Pawang mga nakakatakot isipin kaya halos manginig ang mga kamao niya sa paghihintay sa ibibigay na sagot ni Leroy.
"Ano ba! Leroy! Magsalita ka!" Tinaasan na niya ng tinig ang lalaki.
Itinuro naman nito ang pinto. "Nasa hardin siya. P-pinapatawag ka."
Mabilis siyang natigila
