MABILIS na ibinaba ni Rael ang dalagang amo nang matauhan matapos marinig ang kaluskos mula sa nagtataasang d**o hindi kalayuan sa kanila. Hinila niya ang babae sa likuran niya at mataman na tinitigan ang parte kung nasaan ang mga mababa't mayayabong halaman.
Lumabas sa pinagkukublihan at patakbong umalis ang isang pusa na kulay itim. Nakahinga siya nang maluwag. Buong akala niya ay may nagawing tauhan ang don sa bandang iyon.
Napahawak naman sa braso niya si Dahlia matapos nitong sundan ng tingin ang papalayong pusa. Nang balingan niya ito ng tingin, nakita niya ang bahagyang pag-aalala sa mukha ng dalaga.
"Bakit?"
Bumaling ito sa kaniya at bahagyang ngumiti. "Sabi kasi nila, malas daw ang pusang itim."
Napangiti siya sa nakuhang sagot mula rito. Muli niyang nilingon ang pusa na hind
