"Ikaw ang nagtapon ng pinagsamahan natin noong sandaling hiniwalayan mo ako!" Umiling siya at binalak sanang talikuran muli ito, pero mabilis siyang natigilan nang marinig ang pagpasok ng isang katulong sa loob ng pantry room.
Hinawakan naman siya ni Paislee sa kamay at hinatak patungo sa mas madilim na parte ng kuwarto. Sinandal siya nito sa pader at mataman na tinitigan.
"Kung ayaw mong mahuli tayo, tumayo ka lang diyan."
Natigilan siya nang bigla siyang halikan nito sa mga labi. Dahil sa pagkagulat, hindi agad siya nakapagsalita o nakagalaw. Nang makabawi naman at akmang itutulak ito palayo, natigilan siya nang matanaw ang katulong na kasalukuyang kumukuha ng pagkain hindi kalayuan mula sa kaniya.
Nakilala agad niya ang babaeng katulong. Ito ang madalas na isama ni Miss Jiya sa sil
