MALALIM ang pagkunot ng noo ni Rael nang tuluyan siyang magkamalay mula sa malalim at matagal na pagkakaidlip. Sa muling pagmulat ng kaniyang mga mata, ramdam niya agad ang pangingirot ng tagiliran niya.
Luminga siya sa paligid at isang impit na daing ang kumawala mula sa bibig niya nang subukin niyang gumalaw. Mabilis na dumapo ang kaliwang kamay niya sa kaniyang tagiliran nang maramdaman ang matinding kirot doon.
Bumaba sa tiyan niya ang kaniyang paningin at mabilis na natigilan nang makita ang bondages na nakapulupot doon. May kaunting mantsa pa ng dugo na makikita sa banda kung nasaan ang sugat niya.
Mula roon ay natuon ang tingin niya sa kawalan. Malalim ang kunot sa kaniyang noo nang magbalik ang alaala niya sa nangyari bago siya nawalan ng malay.
May lalaking pumasok sa kuwarto
