"Rael!" Tinakpan nito ang bibig habang nakatitig sa kaniya.
"Oh, hindi ba't ito ang gusto mo?" Inarkuhan niya ito ng isang kilay.
Lalong namula ang mukha ni Dahlia. Hinila niya ito sa isang kamay at muli itong niyakap saka hinagkan sa ulo.
"Gusto mo ba talagang maging estudiyante ko?"
Biglang kumalas si Dahlia sa yakap niya. Namumungay ang mga mata nito, subalit nababahiran iyon ng lungkot, bagay na ipinagtaka niya.
"Mamahalin mo na ba ako kapag pumayag akong gawin natin ito?"
Hindi niya napigilan ang sarili na mapalunok nang marinig ang tanong ng dalaga. Hindi niya alam kung sinadya nitong itanong iyon o hindi lang talaga nito alam ang ibig sabihin ng katanungan nito.
Bigla siyang nasaktan sa isiping nakahanda itong gawin ang bagay na iyon, mahalin lamang niya.
"Kahit hindi pa n
