NAPAMURA siya bago mabilis na tumakbo palayo sa gilid ng kalye. Agad siyang kumanan at halos liparin na ang daan palayo roon. Muli sana siyang kakanan para mahirapan sa paghabol sa kaniya ang sasakyan, ngunit bigla siyang natigilan nang huminto sa harap niya ang isang big bike.
"Rael, sakay!" Nakilala niya agad ang lalaking sakay niyon kahit nakasuot ito ng helmet at natatakpan ang mukha—si Sanchez!
Wala siyang inaksayang oras. Nagmamadali siyang umangkas sa likuran nito at dinampot ang baril na nakasukbit sa tagiliran niya. Sa pagkanan ng kotseng humahabol sa kaniya, mabilis niya itong pinaulanan ng bala.
Agad na pinatakbo ni Sanchez ang motor nito papalayo. Napayuko pa siya nang simulan silang paputukan ng kalaban. Naalarma pa siya nang makita kung gaano karami ang tao sa paligid. Na
