NATIGILAN si Rael mula sa mabilis na paglalakad nang makarating ito sa likuran ng mansiyon kung nasaan ang hardin. Tanaw niya mula sa kinatatayuan si Dahlia habang abala ito sa pagpipinta sa canvas na nasa harap nito. Sa kaliwang kamay, naroon at hawak ng babae ang palette kung saan makikita ang iba't ibang kulay ng mga pinta, habang sa kanang kamay naman nito ay ang gamit nitong pang-brush.
Kaya pala marunong sa pagguhit ang babae, isa pala talaga itong pintor. Tahimik siyang nagpatuloy sa paglalakad hanggang sa marating niya ang hardin. Nakaupo muli si Dahlia sa damuhan kung saan ito nakatulog kanina at abalang nagpipinta ng isang kulay rosas na gumamela na makikita sa gilid nito.
Tahimik niya itong pinanood at hindi mapigilan ang sarili na hangaan ang dalaga. Sa ilang araw niyang pana
