ILANG minuto na ring magkalapat ang mga nila ng dalagang si Dahlia. Nakaupo sila sa lilim ng puno sa loob ng hardin, nakasandal sa malaking katawan nito at nakaharap sa mataas na bakod.
Binawi niya ang mga labi at nakangiting hinaplos ang kabilang pisngi ng babae. Nadadama niya sa palad ang makinis at malambot nitong pisngi. Namumula ang mga iyon habang nakatitig sa kaniya ang nobya.
"Ano'ng nangyari kanina? Sabihin mo sa akin."
Sa tanong niyang iyon, naglaho ang ngiti sa mga labi nito. Malungkot itong nagbaba ng mukha bago hinilig ang ulo sa balikat niya.
"Wala," narinig niyang tugon ng babae sa mababang tinig. "Pagod lang talaga ako."
Alam niyang hindi nagsasabi ng totoo si Dahlia. Nahihimigan niya sa tinig nito na may inililihim ito sa kaniya. Hinawakan niya ang baba ng babae at in
