Humihikbi siyang humabol sa babae saka kumatok sa nakasarado nitong pintuan gamit ng dalawang palad. "Ate, ate, I'm sorry. H-hindi ko naman sinasadyang saktan ka."
Sinubukan niyang pihitin ang siradura ng pinto, pero bigo siyang mabuksan iyon. Kinandado iyon ng dalaga mula sa loob.
"Ate, buksan mo ito. Mag-usap tayo."
Walang tigil sa pagbuhos ang mga luha sa pisngi niya. Natatakot siyang tuluyan silang magkalayo. Gusto ng papa nila na magkasundo sila. Isa pa, hiniling niya sa langit ang babae. Ilang ulit niyang pinagdasal na magkaroon ng ate.
Ilang oras pa siyang nagmakaawa at nanatili sa labas ng kuwarto nito, ngunit kahit anong pakiusap niya, hindi siya pinakinggan ng dalaga.
Sa huli, wala siyang nagawa kundi bumalik sa kuwarto niya habang umiiyak. Nagtalukbong siya ng kumot at yaka
