TATLONG araw naʼng mag—umpisa ang sembreak namin. Tatlong araw na rin na ako ang nag—aasikaso kay Mama, pumupunta pa rin naman si tita Gina or si tita Angel sa bahay para tulungan ako, lalo na si Amanda na always nakatambay sa amin, kulang na lang ay dito na rin siya matulog.
“Mga lovable naming mga tanim, bumunga kayo nang marami, ha? Maraming—marami para marami akong maibenta, okay?” kausap ko sa mga tanim namin.
Bilin ni Papa sa akin ay kausapin dapat ang mga tanim para tumubo talaga siya nang husto at hindi sila magtampo sa amin, kaya heto iyon ang ginagawa ko katulad ng bilin niya sa akin. Dinidiligan ko rin sila tuwing umaga at hapon para sa photosynthesis. Science iyon, ha?
Nasa papaya na ako at diniligan na rin iyon nang may marinig akong boses mula sa labas. Napahinto ako at
