"NANAY, wala si daddy!" sigaw ni Aya matapos niyang sumilip sa labas ng pinto.
Kabababa ko lamang ng hagdan dala ang isang basket ng mga labahan namin.
"Hayaan mo siya. Baka bumalik na sa mansion," sagot ko naman.
"Kukunin ko na whale ko, Nanay!" Nauna na siyang tumakbo patungo sa kusina, para lumabas sa likod-bahay.
"Hintayin mo 'ko!"
"Opo!"
Isinara ko na muna ang pinto dito sa harap. Araw na ulit nang paglalaba ko ngayon sa batis, at tambak na ulit ang labahan namin. Bukas ay sa washing machine ko naman isasalang ang mga punda, kumot, bedsheet, at mga kurtina. Malalaki kasi sila at makakapal. Masakit sa likod kung kukusutin ko lang din silang lahat.
Muli ko na itong binuhat at nagpatuloy na sa paglabas sa likod-bahay. Bitbit na ni Aya ang whale niyang wala pang hangin.
"Nana
