"Huwag ka lalapit kay Nanay! Galit ako sa iyo!" dagdag pa ni Aya sa ama niya.
"May pasalubong ako sa iyo--"
"Ayoko po ng pasalubong mo! Galit nga ako, eh!"
"P-Pero--"
"Basta galit ako!" Tinalikuran na niya ito at muling lumapit sa amin. Nakakagat-labi pa siya at galit talaga ang hitsura niya. Pero muli din niya itong nilingon. "Huwag mo 'yan ibibigay sa iba! Lalo ako magagalit!"
Natawang bigla ang mga kapatid ko, pero kaagad ding sumeryoso nang lingunin sila ni Aya.
"Bakit natatawa-tawa kayo dyan?"
Maging si Chane ay nahuli ko rin ang pagngiti, ngunit kaagad ding sumeryoso nang lingunin na siyang muli ng anak namin.
"Basta galit ako ngayon! Huwag kang lalapit... Mawawala din 'to sa sunod na linggo."
Muling natawa ang mga kapatid ko. Nagsi-talikod na sila habang takip ang mga bib
