“MAY nalulunod!” sigaw ng isang lalaking bampira.
Nanatiling nakapikit si Jack habang hinihintay ang paglapit sa kanya ng mga bampira. Inangat siya ng mga ito at inihiga sa lupa.
“Isa siyang sumilian!” sabi ng isa, medyo paos ang tinig.
“May pulso pa siya!” anang huli.
Pinagtulungan siya ng mga ito na binuhat. Mga mangmang din ang mga ito. Kung nakalutang na ang taong nalunod, malabo na itong mabuhay. Inilapag siya ng mga ito sa matigas na papag at diniinan ng mga kamay ang kanyang dibdib. Tatlong beses iyon bago siya nagkunwaring umubo.
Mukhang gusto nga ng mga bampira ang sumilian. Unti-unti siyang nagmulat ng mga mata. Naaninag niya ang mukha ng limang bampira na nakapalibot sa kanya. Maya-maya ay may dumating na mga tao at nakiusyoso. Maaring mga alipin din ang mga ito.
“N-nasaan
