ISANG araw pa ang lumipas. Pinalabas na ng bahay pagamutan si Jack at kasama ni Arthur sa paglalakbay patungong palasyo. Lulan sila ng karwahe ngunit makina ang nagpapatakbo hindi kabayo. Doon lang sa Embareo ang may ganoong sasakyan at tanging mga maharlikang bampira ang gumagamit.
Hindi na siya makapaghihintay na makita nang personal si Haring Damon. Katabi niya’ng nakaupo sa loob ng karwahe si Arthur. Napansin niya ang suot nitong kuwintas na mayroong pendant na pangil. May ganoong kuwintas din si Marios at Blake. Maaring makapangyarihan din si Arthur o isa sa maabilidad na mandirigma.
May tatlong oras ang biyahe bago sila nakarating sa palasyo. Mas malapit pala kung sa batis dadaan dahil diretso ang daan. Papasok na sila sa tarangkahan na yari sa tanso. Naghahalo ang kaba at pananabi
