NAUNA nang bumalik sa Golereo si Jack. Ayaw pang umuwi ni Souljen kaya iniwan na niya ito roon. Gusto raw muna nitong magpag-isa. Kinabukasan ay sumama naman siya sa grupo nila Peter na magbabantay sa lagusan patungong mundo ng mga tao. May ilang lycans din na nagsasagawa ng pagsasaliksik sa lugar na iyon.
“May mga hadeos daw na nangugulo sa mga tao,” batid ni Luis.
Magkatapat silang nakatayo sa lagusan. “Ano naman ang problema nila?” aniya.
“Kailangan ni Haring Dementre ng maraming kaluluwa dahil nanghihina siya,” tugon naman ni Peter na nakatayo sa harapan nila.
“Hihina ang suporta ng mga hadeos sa mga bampira. Magandang pagkakataon ito upang pasukin ang Embareo,” ani ni Luis.
May naisip siyang ideya. “Aabangan natin ang paglabas ulit ng araw, papasukin natin ang Embareo. Kakausapin
