PINAHID ni Jack ng kamay ang manipis na luhang nangilid sa kanyang pisngi. Ang dami niyang pinagsisihan at pinaghihinayangan sa buhay niya. Naging mahina siya dahil sa magkasunod na dagok at kabiguan. Kahit anong tibay niya bilang lalaki, napapaluha pa rin siya ng masalimoot na alaala.
Pagbaba niya ng bulawagan ay naroon na sina Haru at Sanji. Tumigil ang mga ito sa harap ng mahabang lamesa na minsan nilang ginagamit sa pagplano ng paglusob sa kampo ng kalaban.
“Ayaw mo bang sumama sa amin, Jack?” tanong ni Haru. Ito lang ang mamumuno sa mga elgreto na tutungo sa mundo ng mga tao. Maiiwan si Sanji dahil may iba itong misyon.
“Gustuhin ko man ay hindi maari. May responsibilidad ako na hindi maaring iwan,” aniya.
“Kung sa bagay, baka biglang tumakas na naman ang asawa mo,” natatawang sab
