HINIHINGAL na tumatakbo si Jack upang maabutan si Alona na papalayo sa kanya. Ngunit tila may mabibigat na bagay na nakakabit sa mga paa niya at hinihila siya pabalik.
“Alona!” tawag niya sa dalaga ngunit hindi siya nito nilingon.
Nagpumilit siyang humakbang ngunit bumulusok siya sa paibabang lupa…
Nagmulat ng mga mata si Jack. Ibang mukha ng babae ang nasilayan niya na nakadukwang sa kanya. Nang tuluyang bumalik ang kanyang huwisyo ay nakilala niya ang babae. Si Souljen ito na hinahaplos ang kanyang pisngi.
Uupo sana siya ngunit pinigil siya nito sa dibdib. Napahiga siyang muli. Iginala niya ang kanyang paningin sa paligid. Naroon na siya sa kanyang silid. Saka lamang niya ininda ang kirot sa kanyang dibdib at binti na binalot ng puting tela.
“Hindi pa lubusang humihilom ang iyong s
