NILUSOB nga ng mga embareon ang Buhay na Kapatagan. Nanlulumo si Jack nang malamang may mga dwende na namatay. Iilang lycan lamang ang nagbabantay roon at hindi sapat upang mapigil ang libu-libong embareon. Dumating doon ang grupo ni Raul at Haru ngunit huli na. May napinsala nang ari-arian.
Kahit hindi pa lubusang gumagaling ay nagpumilit si Jack na maglakbay patungo sa Buhay na Kapatagan. Nais niyang makiramay sa mga dwende. Madilim na nang makarating siya roon. Naabutan na lamang niya na sinusunog ng mga ignetos ang katawan ng mga namatay na kalahi ng mga ito.
Samantalang naglilinis ng kalat ang ibang lycan. Wala namang nasawi sa mga ito. Nawasak maging ang bahay na ginawa ng mga ignetos para sa kanya. Habang palapit siya sa mga nagluluksang dwende ay tumutulo ang kanyang mga luha. Pa
